Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on রবিবার, ১ মার্চ, ২০১৫ | ১২:১৯ AM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া অশিক্ষিত জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে আফনার ফুয়া ফুরিনতরে লইয়া বেশ ভালাউ আছইন।
পর সমাচার মাই গো,
আমরার জকিগঞ্জর সরকারি প্রাইমারী স্কুল অখলর অবস্থা খুব খারাপ। পড়া-লেখা বলতে এখন শুধু স্কুলে যাওয়া আর আওয়া। আইজ কাইলকুর হুরুতাইনতে ফাইভ পর্যন্ত পড়িয়া ঠিকমত নাম ঠিকানা লেখতে ফারইননা। এর লাগি গাউ গেরামর ধনী ধনী মানুষ অখল মিলিয়া কেজি স্কুল বানাইয়া তারার হরুতারে পড়াইরা।
মাই গো,
পড়া-লেখার ই অবস্থায় আমরা এখন বড় বিপদও আছি। টেকা পইসা নাই করি আমরার হরুতাইন কেজি স্কুলও দিতে পারিনা। যার কারণে সরকারি প্রাইমারী স্কুলও গিয়া পড়িয়া ফাইভর সমাপনী পরীক্ষা দিয়া কেজি স্কুলর হরুতার লগে ফাত্তা ফাইন না ইতা হরুতায়। দুই একটা হরুতায় মোটামুটি ভালা রিজাল্ট করলেও দেখা যায়, ইতার ঘর গোষ্ঠীয়ে পড়া লেখা ফারইন। এর লাগি ইতা হরুতায় বাড়িত পড়িয়া হিকিলি ছইন।
মাই গো,
দেকিয়া তাজ্জুব লাগে এখন যে অবস্থায় পরীক্ষা সহজ অইছে অউ অবস্থায় প্রাইমারী স্কুল অখলর হরুতা অখলে ভালা রিজাল্ট করতে ফারইননা। এতে খুব ভালা করি বুঝা যায় সরকারি প্রাইমারী স্কুল অখলও কি ধরণের পড়া অর।
মাই গো,
কিতা খইতাম আপনারে, আমার জানা মতে আমরার উপজেলার ১০৭টা স্কুলর বেশীর ভাগ স্কুল ১/২ জন মাস্টর দিয়া চলের। এছাড়া হেড মাস্টর নাই প্রায় ২৫/৩০টার মতো স্কুলও। অউ অবস্থায় কিলা গো মা, হুরুতাইনতে পড়তা।
মাই গো,
আমরা এই অবস্থা থাকি বাঁচতে চাই। আফনে দয়া করি আমরার বায় কিয়াল দেওয়ার লাগি শিক্ষামন্ত্রী নাহিদ ছাব ও  শিক্ষা অফিস অখলরে কইবায়। নাইলে গো মা, আমরার উফায় নাই।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad