Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on মঙ্গলবার, ১০ ফেব্রুয়ারী, ২০১৫ | ১:৩৩ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
জকিগঞ্জের মানুষে বেশ কয়েক বছর তাকি গ্যাসর লাগি উফরর লেভেলে খইরা। কিন্তু অতদিন তাকি এই অবহেলিত উপজেলাত গ্যাস দেওয়া অর না। এই কারণে মানুষর কষ্টর শেষ নাই। গাউ গেরামর মানুষর কথা অইলো আমরার সিলেট তাকি অন্য জায়গাত নিয়া গ্যাস দেওয়া অয়। অথচ সিলেটর একটা উপজেলা জকিগঞ্জে গ্যাস দেওয়া অর না। বিষয়টা মানিয়া নেওয়ার নায়।
মাই গো,
ইবার দেখিয়ার জকিগঞ্জর বারহালর মানুষ অখলে গ্যাসর লাগি মিছিল-মিটিং শুরু করি দিছওইন। তারার প্রশ্ন কান্দার উপজেলা বিয়ানীবাজারে গ্যাস থাকলেও জকিগঞ্জে কেনে গ্যাস নাই?
মাই গো,
জকিগঞ্জ উপজেলার বারহাল এলাকাবাসীর কথা ইকান ফালানির নায়। কারণ মাত্র কয়েক কিলোমিটার দূর বিয়ানীবাজার উপজেলাত অনেক আগে গ্যাস দেওয়া অইলো আর জকিগঞ্জে এখনও দেওয়া অইলো না তা মানিয়া নেওয়ার নায়। চিন্তা করলে বিষয়টা হরু নায়।
মাই গো,
আমরা গাউ গেরামর মানুষ এমনেউ গরীব। এর মাঝে প্রতি মাসও জ্বালানীর লাগি দরু কিন্তে অয় প্রায় ২/৩ হাজার টাকার। এর মাঝে হখল সময় দরু পাওয়া যায় না। কিন্তু গ্যাস থাকলে মাত্র ৪শ টাকায় এক মাস রান্দা যাইতো। গরবী মানুষর দুই আড়াই হাজার টাকা বাঁচতো।
মাই গো,
আমরা মনে করি ই-বিষয়ে আফনে খেয়াল দেওয়া দরকার। নতুবা গ্রামগঞ্জর আউয়া জাউয়া মানুষে আন্দোলন-বান্দোলন শুরু করলে আইন শৃংখলার ক্ষতি অইতে ফারে। এমনেউ জকিগঞ্জর আইন শৃংখলার অবস্থা বেশ ভালা নায়।
মাই গো,
আমরা মনে করি জকিগঞ্জর বারহালের প্রতিটি ঘরে ঘরে বাস্তবায়নের বিষয়টারে হখলর আগে পূরণ করবা। পরবর্তীতে আস্তে আস্তে জকিগঞ্জর অন্যান্য ইউনিয়নের প্রত্যেকটা ঘরের ঘরে গ্যাস দিবায়।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad