Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on রবিবার, ৮ ফেব্রুয়ারী, ২০১৫ | ২:২৭ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
দেশ কুনবায় যার তা আমরা আউয়া জাউয়া মানুষ অখরে বুজিয়ার না। মানুষর মুখ তাকি হুনিয়ার খালেদা আফায় গদিত যাওয়ার লাগি লাগাতার অবরোধ আর  একর উপর এক হরতাল দিয়ে দেশ জ্বালাইরা। আর আফনে বুলে গদিত থাকার লাগি পুলিশ, র‌্যাব, বিজিবি দিছওইন তারার পিছে লাগাইয়া।
মাই গো,
আফনার দুই বেটিয়ে যেতা ইচ্ছা অতা করউক্কা। আমরা গাউ গেরামর মানুষ গদিত উঠাতও নায় আর নামাতও নায়। আমরা চাই কুনমন্তে তিন বেলা খাইয়া শান্তিতে ঘুমাইতাম।
কিন্তু গো মা,
এখন দেখি অবস্থা বেহাল। প্রত্যোক দিন পুলিশ অবরোধ আর হরতাল লইয়া ব্যস্থ থাকে। আর হিবায়দি চোর-ডাকাইত আর খুনি অখল বেপরোয়া অইয়া উঠছওইন। গাউ গেরামর মানুষে খইন, চোর-ডাকাইতে নানা উৎফাতি কররা।
মাই গো,
আসলেও আমরা দেখিয়ার জকিগঞ্জ থানাত মাত্র কিছু সংখ্যক পুলিশ আছে। যারা অবরোধ আর হরতালর ডিউটিত গেলে বাকি কাজ বন্ধ থাকে। যার কারণে নিয়মিত অপরাধী অখল মাথা চড়া দিয়া উঠরা।
মাই গো,
আমরা চাই জরুরী ভিত্তিতে এ দিকে আফনে খেয়াল দেউক্কা। ফারলে অবরোধ আর হরতাল বন্ধ করউক্কা। নাইলে বিকল্প কোন চিন্তা করউক্কা। 
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad