Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on সোমবার, ১৬ ফেব্রুয়ারী, ২০১৫ | ১১:৫৮ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
জকিগঞ্জর আইন শৃংখলা সময়ে সময়ে খারাপ অর। বছরর এক মাসর মাথাত দুইটা খুন অইগেল। ই-কারণে আমরার লাখাইন গাউ গেরামর আউয়া জাউয়া মানুষ অখল বেশ চিন্তাত আছওইন। আমার লাখাইন মানুষে এখন সব সময় ঢড়াই ঢড়াই চলাফিরা কররা।
মাই গো,
এই সকল অপরাধ অখলর মূল কারণ তুকাইয়া বার না করতে ফারলে সময়ে সময়ে তা আরো বাড়বো খরি মানুষে কইরা। আমরা দেখছি গত বছর জকিগঞ্জে ৬টা মর্মান্তিক খুনর ঘটনা ঘটছে। ইবার মাত্র এক মাস আট দিনে দুইটা খুন অইলো।
মাই গো,
এই সকল খুনর লাগাম এখন টানিয়া না ধরলে আগামীতে মানুষ শান্তিতে তাখতা ফারতা নায়। চুর, ডাকাত, সন্ত্রাসী আর বড় লোক অখলে মানুষ মারিয়া তোজ করবা।
মাই গো,
খুশির কথা অইলো। ইবার জকিগঞ্জর নতুন ওসি সাব একটা খুনর রহস্য বার করছওইন এবং আসামী ধরছওইন। অপর খুনর আসামী ধরছওইন। তবে এখনও আসামী অখলর কাছ থাকি তথ্য বার করতে ফারছওইন না।
মাই গো,
আমরা ওসি সাবর এই পদক্ষেপরে সাধুবাদ জানাই। কেননা গত বছরর সব কয়েকটা প্রকাশ্য খুনর আসামী পুলিশ ধরতে পারেনি পুলিশ।
মাই গো,
আমরা আশা রাখমু আফনার মাধ্যমে জকিগঞ্জর পুলিশ প্রশাসনরে উৎসাহী করবায়। কেননা যাতে এই দু’টি খুনর প্রকৃত রহস্য বার অয়। যার ফলে আগামীতে আর খুন খারাবী না অয়।
ইতি
আফনার ফুরনা ফাগল
জকিগঞ্জী চাচা

Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad