Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on বুধবার, ৭ জানুয়ারী, ২০১৫ | ২:৩৭ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
টেলিটুলি পুরা এক বছর ক্ষমতাত কাটাই লায়। আমার লাখাইন হাগা ডগা গাউ গেরামর মানুষের মনে করছলা আফনে বেশদিন ক্ষমতাত থাকতে পারতা নায়। কিন্তু ইবার আফ্েন হখলরে তাজ্জব করিয়া ক্ষমতাত এক বছর থাকিয়া দেখাইলা। এখন মানুষে মনে করের আফনে পুরা ৫ বছর ক্ষমতাত থাকতে পারবায়।
মাই গো,
আফনারা যে দল ক্ষমতাত যাউক্কা আমার লাখাইন আউয়া জাউয়া মানুষ অখলর কোন লাভ অইতো নায়। লাভ সারা বড় বড় খল্লা আলাইনতর। তারা নিজর দল ক্ষমতাত গেলে লুটি ফুটি খাইতে ফারইন। 
মাই গো,
আমরা চাইয়ার আফনে বা যে-উ ক্ষমতাত থাখউক্কা তারা যেন দেশটারে শান্তি রাখে। গাউ দেশর যেলা খাম কাজ অয় সেই ব্যবস্থা করে। আমরা যেলা তিন বেলা খাইতে পারি এর গ্যারান্টি দেয়। 
মাই গো,
আমরা দেখিয়ার এখন বিএনপি জোট খুব গরম অর। আফনে দয়া করি দেশর মানুষরে শন্তি রাখিয়া মোকাবেলা করউক্কা। নাইলে তারার লগে আপোষ করউক্কা। ইতা লইয়া গাউ গেরামর মানুষ অখলে বেশ মাতামতি করের।
মাই গো,
আমরা আশা রাখমু আফনে নতুন এই বছরে দেশটারে একটা শান্তিপূর্ণ অবস্থায় লইয়া যাইবায়। নতুবা গো মা, আমরার লাখাইন গাউ গেরামর মানুষ আফনারে বদদোয় দিব।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad