Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on শুক্রবার, ১৬ জানুয়ারী, ২০১৫ | ১২:১৪ AM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর আাজার আাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
গাউ গেরামর মানুষ অখলর অবস্থা বেশ ভালা নায়। আফনারা দুই বেটির জ্বালায় এখন দেশর মানুষ বেশ অশান্তিত আছওইন। আমরা আউয়া জাউয়া মানুষ কইতে ফারতামনায় কে দোষী আর কে দোষী নায়। আমরারে আফনারা যে যেলা বুঝাইন আমরা অলা বুঝি।
মাই গো,
আমরা আউয়া অইলেও নিজর স্বার্থটা ভালা করি বুঝি। আরামে বে-আরাম বুঝার লাগি কেউরের মাতানির লাগে না। কোন ফতে আটলে দুই টেকা রুজি অইবো তা ভালা করি বুঝি। কিন্তু গো মা, এখন দেখিয়ার আমরার রুজির পথ বন্ধ অইযার।
মাই গো,
এখন আমরা বড় কষ্টে আছি, খালেদা বেটিয়ে তান দল-দাল দিয়া দেশরে অশান্তির মাঝে রাখছওইন। দিনর পরে দিন দেশও অবরোধ আর হরতাল ছলের। ইতা তো আফনারে খওয়ার দরকার নায়। আফনে সবউ তো জানওইন। 
মাই গো,
আমরা আগে আগে হুনতাম টাউন বন্দর মারামারি, গাড়ি ভাঙ্গা ও আগুন লাগিনি অয়। কিন্তু গো মা, দেশও কিতা শুরু অইলো এখন গাউ গেরামও অতা আরম্ভ অইগেছে। আর ইতা লইয়া মামলা করিয়া এক ফাটিয়ে টেকা রুজির লাইন করছওইন। এতে অনেক ভালা মানুষ বিপদে পড়ের।
মাই গো,
আমরা মনে করিয়ার, আফনে দয়া করি দেশও যেলা শান্তি আয় তার ব্যবস্থা করউক্কা। নাইলে গো মা, কয়দিন বাদে আমরা ফেটর মাঝে কুল বন্দতে অইবো।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad