Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on বুধবার, ১৯ নভেম্বর, ২০১৪ | ৪:৩১ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর হাজার হাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
আমরার জকিগঞ্জ তথা সিলেট অঞ্চলরে ওলী-আউলিয়া ও পীর মাশায়েখদের এলাকা হিসাবে মানুষে চিনতা। কিন্তু গো মা, এই এলাকাও এখন ইন্ডিয়ার লাখাইন অইগেছে। এখন প্রায় পত্র-পত্রিকা খুললে দেখা যায় ফুরিনতরে বখাটে অখলে জোর করি ধর্ষন করের।
মাই গো,
আফনে হুনিয়া তাজ্জব অইবায় যে, আলেম-ওলামার জন্মভূমি জকিগঞ্জে এখন ফুরিন ও বেটিন তরে প্রায়ই বখাটে অখলে যৌন হয়রানী করছে। এতে চরম বিপাকে পড়ছে ঐ সকল পরিবারের লোকজন। শরমে না খইতে ফারের, না সইতে ফারের।
মাই গো,
হেদিন কলাকুটা থাকি এক কলেজ ছাত্রী ও তার অভিভাবক অখলে ফোন করিয়া কইরা বখাটে অখলে তারার ফুরিরে বাড়ি থাকি ধরিয়া নিতাগি ছাইরা। মোবাইলে বার বার হুমকি ধমকি দিতে আছওইন। বখাটে অখলে ঐ ফুরির ঘরের ব্যবহারী মোবাইলর সিম কিভাবে অফিস থাকি তুলিয়া নিয়া যাইন। এতকিছুর পরেও ফুরির ভবিষ্যৎ চিন্তা করিয়া ফুরির অভিভাবক অখলে আইনী ব্যবস্থা নিতা ফাররা না। কারণ ইতা মানুষে হুনলে বুলে ফুরি খারাপ খইবা। ভালা যায়গাত বিয়া দিতে ফারতা নায়। 
মাই গো,
ইতাতো সামান্য খইলাম। হেদিন জকিগঞ্জ শাহগলীত খালার বাড়ি এক ফুড়ি আওয়ার পথে মামারে বান্দিয়া ভাগ্নি নিয়ে ধর্ষন করছে এক বখাটে। যা হুনিয়া আমরার গ্রাম-গঞ্জর মানুষ আতংকিত অইগেছে।
মাই গো,
আমরা আশা রাখমু এই ব্যাপারে আফনে কঠোর ব্যবস্থা নিবা। আইন শৃংখলা বাহিনীরে এই বিষয়ে কঠোর ব্যবস্থা নেয়ার লাগি নির্দেশ দিবা। নতুবা সময়ে সময়ে দেশর অবস্থা বেশ খারাপ অইযিব।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad