Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on শনিবার, ১৮ অক্টোবর, ২০১৪ | ৪:০৬ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর হাজার হাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
আফনে আমরার বায়দি কিয়াল দিরায় কিনা তা বুঝিয়ার না। আমরা আইজ পদে পদে অবহেলায় পড়িয়া আছি। শিক্ষা ক্ষেত্রে যেমন সমস্যা, চিকিৎসা ক্ষেত্রে এমন সমস্যা। লগে যোগাযোগের সমস্যা খইয়া আর লাভ নাই। 
মাই গো,
সারা উপজেলার মাঝে একমাত্র সরকারী কলেজটায় আইজ পর্যন্ত ডিগ্রী ও অনার্স কোর্স চালু করার কোন উদ্যোগ নেয়া অর না। যার কারণে আমরার এলাকার হরুতা অখল বেশ কষ্ট করিয়া সিলেট গিয়া লেখা পড়া কররা। অনেক হরুতা তাখা আর খাওয়ার সমস্যায় পড়া বাদ দিরা। যা হুনিয়া আফনার ভালা লাগার কথা নায়।
মাই গো,
চিকিৎসা ক্ষেত্রে কিছুটা আশার আলো জ্বললেও এ্যাম্বুলেন্স নামক গুরুত্বপূর্ণ বাহনটা আইজ পর্যন্ত এ উপজেলার মানুষে ফাইরা না। বিগত জাতীয় সংসদ নির্বাচনর আগর রাইত সিলেট-জকিগঞ্জ রোডর রামপুর নামক জায়গাত আমরার আগর এ্যাম্বুলেন্সখান শয়তান অখলে জ্বালাই লিছওইন। এরপর থাকি আইজ পর্যন্ত একটা এ্যাম্বুলেন্স ফাইয়ার না। এছাড়া এক্সেরে মেশিন থাকি শুরু করি গুরুত্বপূর্ণ যন্ত্রপাতি হাসপাতালও অকেজো অইয়া ফরি রইছে। দেখলে কইবায় এই উপজেলার মানুষ তাখইন কিলা?
মাই গো,
যোগাযোগের বিষয় খইয়া কোন লাভ নাই। কাঁচা রাস্তাতো কাঁচাউ আছে আর ফাকনা রাস্তা ভাংঙ্গি গেছে। এর ফরেও কেউ তা ঠিক করার দরকার মনে করের না। এলাকার মানুষে আন্দোলন বান্দোলন করিয়াও ঠিক করাইতে ফাররা না। জকিগঞ্জ-শেওলা রাস্তা দিয়া আফনে একদিন গেলে কইলা অনে বাবা আর কোন দিন আইতাম নায়। এত নাজুক অবস্থা থাকার ফরেও রাস্তাটা দীর্ঘদিন থাকি ঠিক করা অর না।
মাই গো,
আমরার গুরুত্বপূর্ণ এই তিনটা বিষয়ে আফনার দয়ার নজরখান দিলে আমরা খুশি অইলাম অনে আর নামাজ পড়িয়া দোয়া করলাম অনে। আমি আশা রাখমু আফনে আমরা এই তিনটা সমস্যা সমাধানর উদ্যোগ নিবায়।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad