Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on বৃহস্পতিবার, ২৫ সেপ্টেম্বর, ২০১৪ | ৫:০৭ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর হাজার হাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি আফনে বেশ ভালা আছওইন।
পর সমাচার মাই গো,
সময়ে সময়ে মানুষ বেশ খারাপ অইয়া উঠের। আলিম-উলামার এলাকা হিসাবে পরিচিত জকিগঞ্জে এখন সীমা ছাড়া আখাম-কুখাম শুরু অইছে। ইতা লইয়া ভালা মানুষ চরম চিন্তাত আছওইন। 
মাই গো,
হুনিয়া তাজ্জুব অইবায়, জকিগঞ্জে এখন মাসও গড়ে একটা খুন অয়। একই লগে চুরি, ডাকাতি, ধর্ষন পাল্লা দিয়া দৌড়ার। সেপ্টেম্বর মাসর সাপ্তাহে ২টা ডাকাতি ও ৩টা চুরির ঘটনা ঘটছে। চলতি সাপ্তাহর একাই দিনে এক স্কুল ছাত্রী ও এক যুবতী ধর্ষণর অভিযোগ পাওয়া গেছে। 
মাই গো,
এই অবস্থায় আমরা কিভাবে থাকমু। শান্তিপ্রিয় জকিগঞ্জে যদি ইলা একের পর এক খুন, চুরি-ডাকাতি আর ধর্ষণর ঘটনা ঘটে তবে তো গো মা, তাখার কোন উফায় নাই।
মাই গো,
ইবার আমার বেশী কুচ্ছু লেখার ইচ্ছা নায়, আফনে দয়ার নজর দিয়া বিষয়গুলারে চিন্তা করউক্কা। নাইলে সামনে অবস্থা বেহাল অইযিব।
মাই গো,
আমি আশা রাখমু। আফনে বিষয়টাগুলোরে গুরুত্ব দিয়া সংশ্লিষ্ট আইন শৃংখলা বাহিনীরে এই সকল অপরাধী অখলরে আইনর আওতায় আনতে তৎপর অয়ার লাগি হুকুম করবা। নাইলে গো মা, আমার বারোটা বাজি যিব।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad