Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on মঙ্গলবার, ১০ জুন, ২০১৪ | ৬:৩২ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর হাজার হাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি দেশর হখল জাতর মানুষরে লইয়া ভালা আছওইন।
পরসমাচার মাই গো,
আফনে এখন সাংবাদিক অখলরে ইজ্জত দেওয়ার লাগি বেশ কিছু পদক্ষেপ নিরা। সাংবাদিক অখলর জীবন যাত্রার মান বৃদ্ধির লাগি ফান্ড গঠন করতা চাইরা। যার কারণে আফনে ধন্যবাদ পাওয়ার যোগ্য।
কিন্তু গো মাই,
আজকের দিনে প্রকৃত সাংবাদিক অখলর কোন উজ্জত নাই। কারণ প্রকৃত সাংবাদিকে কোন ব্যক্তি, প্রতিষ্ঠান বা সংগঠনরে অযথা তেল মারতে ফারেনা। হে সব সময় হাছা খান লেখে। এরলাগি আইজ পদে পদে সাংবাদিক অখল লাঞ্চিত-বঞ্চিত ও নির্যাতিত অর।
মাই গো,
আফনে হুনিয়া খুশি অইবা। সিলেটর সীমান্ত উপজেলা জকিগঞ্জ থাকি প্রায় দুই বছর ধরিয়া নিয়মিত একটা সাপ্তাহিক পত্রিকা প্রকাশ অর। জকিগঞ্জ থাকি অতিতে কোন দিন এভাবে একটা নিয়মিত পত্রিকা প্রকাশ অইছে না। কয়েকটা সংখ্যা প্রকাশ অয়ার পরে তা আবার বন্ধ অইগেছে। বিশেষ করি অতিতে কোন পত্রিকা সরকারের অনুমোদন নিয়া প্রকাশ অইছে না এবং আইজ পর্যন্ত সাপ্তাহিক জকিগঞ্জ সংবাদের বিকল্প কোন পত্রিকা নাই। অন্যান্য নামে বিভিন্ন সাপ্তাহিক পত্রিকা বারইলেও জকিগঞ্জ সংবাদর লগে হিতারে তুলনা করা যায় না। কারণ জকিগঞ্জ সংবাদ আলাদা একটা বৈশিষ্ট লইয়া নিয়মিত প্রকাশ অর।
মাই গো,
হুনলে আফনেও কষ্ট ফাওয়ার কথা যে, গত সাপ্তাত আমরার জকিগঞ্জও সিলেটর জেলা প্রশাসক সাব ডিজিটাল মেলা উদ্বোধনর লাগি আইলা। কিন্তু উপজেলা প্রশাসনর পক্ষ থাকি জকিগঞ্জর একমাত্র পত্রিকা জকিগঞ্জ সংবাদর কোন সাংবাদিকরে দাওয়াত দেওয়া অইছে না। এরলাগি গো মা আমি বেজার নায়। কিন্তু খতা অইলো শুধু জকিগঞ্জ সংবাদর সাংবাদিক অখলরে খওয়া না অইলে তেবো খওয়া যাক, খবর নিয়া দেখা যায় জকিগঞ্জ উল্লেখযোগ্য সংখ্যক সিনিয়র সাংবাদিক অখলরে দাওয়াত করা অইছে না। যা এই প্রথম নায়। আমার জানা মতে, ইতা আরও কতবার যে অইছে এর কোন হিসাব নাই। 
মাই গো,
আমার খতা অইলো ইতা কেনে? যে সাংবাদিক অখলে বিনা পারিশ্রমিকে একটা সংবাদ দেশ ও জাতির সামনে তুলে ধরতে উৎসাহী, সেই মহান সাংবাদিক অখলরে এক মিনিট উপজেলা প্রশাসনের কর্তা ব্যক্তি ফোন করে আমন্ত্রণ জানাইলে অসুবিধা কিতা অইলো অনে। আমি হুনছি অনেক সাংবাদিক সাব অখলে ইউএনও সাবরে ফোন করি জিকাইলে তাইন দুঃখ প্রকাশ করছওইন। আর ছাইয়া ছাইয়া কিছু সাংবাদিক অখলরে দওযাতও দিছওইন। তবে দাওয়াত যারা ফাইছওইন তারার ব্যাপারে আমি মুখ খুলতে রাজী নায়।
মাই গো,
আমি শুধু এখটা খতা খইয়ার, দয়া করি আফনার সরকারর আমলা অখলরে খইয়া দিবা, যারা অন্ধভাবে অফিসার অখলর পক্ষে লিখে তারা ছাড়া যারা বাস্তবমুখী লিখে তারারেও উপজেলা প্রশাসনর অনুষ্ঠান অখলো দাওয়াত দেওয়ার লাগি। আমি আশা রাখমু আফনে এই ব্যাপারে কিছু এখটা করবা।
ইতি
আফনার ফুরনা ফাগল
জকিগঞ্জী চাচা
Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad