Headlines News :
Home » » জকিগঞ্জী চাচার খোলা চিঠি

জকিগঞ্জী চাচার খোলা চিঠি

Written By zakigonj news on বৃহস্পতিবার, ২৯ মে, ২০১৪ | ৪:৩৬ PM

মাননীয় প্রধানমন্ত্রী
হাসিনা মাই,
ছিঠির ফয়লা গাউ-গেরামর হাজার হাজার হতভাগা, আউয়া-জাউয়া জনগণর ফক্ষ থাকি আমি বেহায়া বেইজ্জত, জনম দুঃখী, কপাল ফুড়া, আদুম ছুদুম, জকিগঞ্জী চাচার সালাম নিবায়। আশা করি দেশরে ডিজিটাল করার লাগি জান দিয়া চেষ্টা চালাইরায়।
পরসমাচার মাই গো,
দেশ এখন অনেকটা ডিজিটাল অই গেছে। তবে আফনে কোন ডিজিটাল চাইরা আর কোন ডিজিটাল অর তা আমি অদমে বুঝিয়ার না। কারণ আজকুর ডিজিটালে দেশের উন্নয়নর চাইতে ক্ষতি বেশী অইযার করি গাউ গেরামর মানুষে মনে করের।
মাই গো,
ফেসবুক, টুইটার, ব্লগসহ বিভিন্ন ওয়েব ঠিকানায় সয়লাব অইগেছে পুরা দেশ। আর এর মাধ্যমে বর্তমান সময়ের ফুয়া ফুরিনতে নানা অপরাধও জড়াইয়া পড়ের। প্রেম-পীরিতি আর আখাম-কুখামর নিরব আস্তানা এখন এসব অনলাইন ভিত্তিক সমাজিক মাধ্যম।
মাই গো,
ফেসবুকে ঢুকলে দেখা যায় নানা নোংরা ঠিকানা। যাতে নেংটা বেটাইন আর বেটিনতর ছবি দেওয়া অয়। এছাড়া উঠতি বয়সী ফুয়াইন আর ফুড়িনতর রমরমা উপস্থিতি দেখা যায়। একই রকম টুইটাররও হাল। ব্লগ অখলোর মাধ্যমে তো পতিতা অখলর বায়োডাটা দেওয়া অর প্রকাশ্যে। শুধু এই সকল নোংরা বিষয় ছাড়াও দেশর সরকার, বিরোধীদল, শিক্ষক, সাংবাদিক, রাজনীতিবীদ ও সাংস্কৃতিক কর্মীসহ সুশীল সমাজের বিরুদ্ধে চলের নানা অপপ্রচার।
মাই গো,
বিশেষ করি, অনলাইন মিডিয়ার নামে চলছে রমরমা ব্যবসা। অপসাংবাদিকরা নামে-বেনামে খুলেছে বিভিন্ন ওয়েব ঠিকানা। আর ইতাত নামমাত্র কিছু সংবাদ দেওয়া হলেও পাঠক বাড়ানোর লাগি ভিডিওসহ দেওয়া অর যৌন উত্তেজক বিভিন্ন সংবাদ। এতে বিপদগামী অর তরুন সমাজ। 
মাই গো,
এরলাগি অনলাইন নীতিমালা করা একান্ত জরুরী। ইতিমধ্যে কিছুটা করা অইলেও তা পর্যাপ্ত নায় করিয়া সচেতন মানুষে কইরা। এছাড়া জরুরী ভিত্তিতে অনলাইন পত্রিকার লাগি নীতিমালা তৈরী করা দরকার। দয়া করি আফনে এই বিষয়টা গুরুত্ব দিয়া বিবেচনা করবা।
ইতি
আফনার ফুরনা ফাগল
জকিগঞ্জী চাচা

Share this article :

0 মন্তব্য:

Speak up your mind

Tell us what you're thinking... !

ফেসবুক ফ্যান পেজ

 
Founder and Editor : Rahmat Ali Helali | Email | Mobile: 01715745222
25, Point View Shopping Complex (1st Floor, Amborkhana, Sylhet Website
Copyright © 2013. জকিগঞ্জ সংবাদ - All Rights Reserved
Template Design by Green Host BD Published by Zakigonj Sangbad